‘බෙදුම්වාදයට හිස ඔසවන්න ඉඩක් නෑ’

පාස්කු ඉරිදා ප්‍රහාරය හේතුවෙන් පීඩාවට පත් වූ අහිංසක පවුල්වලට සාධරණය ඉටුකිරිමට අධිකරණ පද්ධතියට අවශ්‍ය සියලු සහාය ලබා දෙන බව ආරක්ෂක ලේකම් ජෙනරාල් කමල් ගුණරත්න මහතා පැවසීය.

මේ වන විට රටේ ජාතික ආරක්ෂාව තහවුරු කර ඇති අතර බෙදුම්වාදයට හිස එසවිමට කිසිදු ඉඩක් නොමැති බවද ආරක්ෂක ලේකම්වරයා සදහන් කළේය.

“ගත වූ දෙවසර තුළ ත්‍රිවිධ හමුදාවේ ක්‍රියාකාරීත්වය” මැයෙන් ජනාධිපති මාධ්‍ය කේන්ද්‍රයේ දී අද (15) පෙරවරුවේ පැවැති මාධ්‍ය හමුවේදී ආරක්ෂක ලේකම්වරයා මේ බව පැවසීය.

විශ්‍රාම ගිය හමුදා නිලධාරීන් කිහිප දෙනෙකු ආණ්ඩුවේ තනතුරු දැරීම කිසිසේත් මිලිටරිකරණයක් නොවන අතර විශ්‍රාම ලැබූ හමුදා නිලධාරියකු වසර ගණනාවක තම දැනුම සහ අත්දැකීම් භාවිත කර රටට සහ ජනතාවට සේවය කිරීම වරදක්දැයි නොවන බව ද ආරක්ෂක ලේකම්වරයා සදහන් කළේය.

රටේ ජාතික ආරක්ෂාව තහවුරු කිරීමට මෙන්ම ජාතිය ගොඩනැගීමට ශ්‍රී ලංකා ත්‍රිවිධ හමුදාව පසුගිය දෙවසර තුළ පුළුල් පරාසයක විශාල කාර්යභාරයක් ඉටු කර ඇති අතර, ශ්‍රී ලාංකිකයන් කිසිවෙකු හෝ රටේ ජාතික ආරක්ෂාව සම්බන්ධයෙන් අනියත බියක් ඇතිකරගත යුතු නැති බවත්, රාජ්‍ය බුද්ධි අංශය සහ සෙසු බුද්ධි අංශ අද එකම ශක්තිමත් ජාලයක් ලෙස ක්‍රියාත්මක වන බවත් ආරක්ෂක ලේකම්වරයා පැවසීය.

Related posts

Leave a Comment