අයියා විසින් ගොඩනැගූ මහා රාජ්‍ය මල්ලි විනාශ කළා

කිසිම හේතුවක් මත ශ්‍රී ලංකාව දියුණු වෙනවාට ඉන්දියාව කැමති නැති බවත් ශ‍්‍රී ලංකාව දියුණුවට විරුද්ධව ඉන්දියාව විවිධ ඔත්තුකරුවන් වන බවත් රාම රාවණා යුගයේදී හනුමන්තා යනු එවන් ඔත්තුකරුවෙක් බවත් පූජ්‍ය මැදගොඩ අභයතිස්ස හිමියෝ සඳහන් කරති.

උන්වහන්සේ මේ බව සඳහන් කළේ කොළඹ වරායේ නැගෙනහිර පර්යන්තය හවුල්කාරී සමාගමක් බවට පත් කිරීම සම්බන්ධයෙන් විරෝධය දක්වන පාර්ශව විසින් සංදේශයක් භාරදීමට පැමිණි අවස්ථාවේදීය.

වැඩිදුරටත් අදහස් දැක්වූ උන් වහන්සේ කියා සිටියේ රාවණා අයියා විසින් ගොඩනැගූ මහා රාජ්‍ය විනාශ කර අවසාන වශයෙන් විභීෂණට සිද්ධ වූයේ තමන්ගේ රාජ්‍යයක් නැති කරගෙන රට පාවාදුන් අයකු බවට පත්වීම බවයි.

එමෙන්ම හනුමන්තා රට වටේ ගිණි අවුලා අවසාන ප්‍රතිඵලය ලෙස අයියා සහ මල්ලි තරහ වූ බවත් එහි ප්‍රතිඵලයක් ලෙස මල්ලි විසින් රට පාවා දුන් බවත් කියා සිටියහ.

Related posts

Leave a Comment