මට වැඩක් කරන්න දුන්නේ නෑ, මගේ කකුලෙන් ඇද්දා, මට අවහිර කළා – සජිත් දැන් කියන කතාව

තමාගේ ගමනට බාධා කරන පුද්ගලයන් ඇත්නම් පක්ෂයෙන් ඉවත් වන ලෙස විපක්ෂ නායක සජිත් පේ‍්‍රමදාස මහතා පවසයි.

සජිත් පේ‍්‍රමදාස මහතා පෙන්වා දෙන්නේ අතීතයේ මෙන් තමන්ගේ වැඩවලට බාධා කිරීමට කිසිවකුටත් ඉඩ ලබා නොදෙන බවය.

හම්බන්තොට කිරින්ද ප‍්‍රදේශයේ පැවැති විපක්ෂ නායක ජංගම සේවය වැඩසටහනට එක්වෙමින් සජිත් පේ‍්‍රමදාස මහතා මෙම අදහස් පළ කළේය.

‘‘මම මෙතෙක් කල් දේශපාලනය කළේ විවිධ ප‍්‍රශ්න මැද්දේ. මට වැඩක් කරන්න දුන්නේ නෑ. මගේ කකුලෙන් ඇද්දා. මට අවහිර කළා. මං පැහැදිලිවම එක දෙයක් කියන්න ඕනේ. ඔය මොන ප‍්‍රශ්න තිබුණත් මට ජනතාවට වැඩ කරන්න උදව් කරපු එක මනුස්සයෙක් හිටියා. ඒ තමයි හිටපු ජනාධිපතිතුමා. මෛත‍්‍රීපාල සිරිසේන මහතා තමයි මට පුළුවන් තරම් හයිය දුන්නේ. දැන් මගේ පක්ෂය ඇතුළත කාටවත් බෑ මගේ කකුලෙන් අදින්න. එහෙම ඉඩ දෙන්නෙත් නෑ. එහෙම කකුලෙන් අදින කට්ටියට පුළුවන් පිටතට ගිහිල්ලා තම තමන්ගේ දේවල් ටික කරගන්න.’’

Related posts

Leave a Comment