එන්නත නොලැබේවි යැයි කිසිවකු බිය වෙන්න එපා – යුද හමුදාපති කියයි

එන්නත නොලැබේවියයි කිසිවකු බිය විය යුතු නැතිබවත් කොරෝනා මර්දන එන්නත ලබාදී යුතු සියලු දෙනාට එන්නත නිසි වේලාවට ලබා දීමට කටයුතු කරන බවත් කොවිඩ් 19 පාලනය කිරීමේ ජාතික ක්‍රියාන්විත මධ්‍යස්ථානයේ ප්‍රධානී, යුද  හමුදාපති ජෙනරාල් ශවේන්ද්‍ර සිල්වා මහතා පැවැසීය.

එන්නත්කරණය සදහා අවශ්‍ය කෙරෙන එන්නත් තොග විදේශයෙන් මිලදී ගැනීමට කටයුතු කරගෙන යන බවද යුද හමුදාපතිවරයා ප්‍රකාශ කළේය.

ඇස්ට්‍රාසෙනිකා දෙවෙනි මාත්‍රාව ලබා දීම සඳහා එන්නත්  සොයා ගැනීමට ලලිත් වීරතුංග මහතාගේ ප්‍රධානත්වයෙන් යුතු කමිටුව  රටවල් කිහිපයක් සමග  සාකච්ඡා කරගෙන යන බවත් එම එන්නත බොහෝ දුරට වෙනත් රටකින් ගෙන්වා ගැනීමට හැකියාව තිබෙන බවත් ශවේන්ද්‍ර සිල්වා මහතා පැවසුවේය.

මේ අතර ස්පුට්නික් එන්නත් මාත්‍රා එක් කෝටි තිස් ලක්ෂයක් රුසියාවෙන් ලබාගැනීමට  රජය කටයුතු කරගෙන යන බව කි ක්‍රියාන්විත මධ්‍යස්ථාන ප්‍රධානියා ඉන් මාත්‍රා ලක්ෂ නමයක් ඉදිරි දින කිහිපයේදී මෙරටට ලැබීමට නියමිතව ඇතැයි ඇතැයිද සඳහන් කළේය .

එමෙන්ම ෆයිසර් එන්නත් මාත්‍රා ලක්ෂ නමයක් ලබන ජුනි මස අග  හෝ ජුලි මස මුල මෙරටට ලැබෙනු ඇතැයිද  ඔහු කීවේය .

ෆයිසර් එන්නත ලබා දිය යුත්තේ එක මාත්‍රාවක් පමණක් යැයි පැවසූ ශවේන්ද්‍ර සිල්වා මහතා එන්නත්කරණ ප්‍රමාණ සැලකිල්ලට ගෙන එන්නත් ගෙන්වා ගැනීම
සිදුකරන බවද පැවසුවේය.

Related posts

Leave a Comment