නිවෙස්වල රඳවා ප්‍රතිකාර කිරීම යෝජනා වූ හැටි යුද හමුදාපති හෙළිකරයි

කොවිඩ් -19 වෛරස ආසාදිතයින් නිවසේම රඳවා ප්‍රතිකාර කිරීමේ යෝජනාව ඉදිරිපත් වූ ආකාරය පිළිබඳව යුද හමුදාපති, ජෙනරාල් ශවේන්ද්‍ර සිල්වා මහතා අද (17) පැහැදිලි කිරීමක් සිදු කළේය.

“කාර්ය සාධක බලකායේදී විශේෂඥවරුන් ජනාධිපතිතුමා සමග පැවැති සාකච්ඡාවකදී මේ නිවෙස්වල රඳවා ප්‍රතිකාර කිරීමේ ක්‍රමවේදයක් ගැන පැහැදිලි කළා. එහිදී ජනාධිපතිතුමා සෞඛ්‍ය සේවා අධ්‍යක්ෂ ජනරාල්වරයාට උපදෙස් දුන්නා මේ පිළිබඳව නිර්ණායක හදන්න කියලා. එහෙම කරනවා නම් එම කටයුතු සිදුවිය යුතු ආකාරය ගැන. ඒ නිර්ණායක මේ සති අන්තයේදී සකස් වෙයි. මේකෙන් කියන්නේ ඔක්කොම ගෙදර තියනවා කියන එක නෙමෙයි. මෙහිදී වැදගත් වෙන්නේ කණ්ඩායම් වෙන් කරලා හඳුන ගැනීම. ක්‍රම 3ක් තියෙනවා. කොටසක් රෝහලක් තුළම (බරපතළ අය) ප්‍රතිකාර ගතයුතුයි. තවත් කොටසක් අතරමැදි ප්‍රතිකාර මධ්‍යස්ථානවල (බරපතළ නැති) ප්‍රතිකාර ගත යුතුයි. අනෙක් කොටස තමයි කිසිදු රෝගී ලක්ෂණයක් නොමැති වෛද්‍ය උපදෙස් මත සිටීමේ හැකියාව තියෙන අය. දැන් මේක තෝර ගන්න ඕනේ. ඒක තෝරන්නේ වෛද්‍යවරුන්. හැබැයි සමහරුන්ට නිවෙස්වල ඉන්න පහසුකම් නැති තත්ත්වයන් තියෙනවා. ඔවුන්ට ප්‍රතිකාර මධ්‍යස්ථාන තියෙනවා.”

Related posts

Leave a Comment