තද බල ලෙස කුඩු පානයට ඇබ්බැහි වූ ගැබිණි කාන්තාවක් අත්අඩංගුවට

මත් කුඩු මිලි ග්‍රෑම් තිහක් සන්තකයේ තබා ගෙන සිටි ගැබිනි කාන්තාවක සංචරණය තහනම පැවැති සමයේ කළ වැටලීමකදී තලාතුඔය පොලිසිය විසින් පසුගියදා අත්අඩංගුවට ගෙන ඇත.

මෙසේ අත්අඩංගුවට පත්ව ඇත්තේ සිය දෙවැනි දරුවා ප්‍රසූත කිරීමේ බලාපොරොත්තුවෙන් පසුවන කැටවල එරමුදුගොල්ල ප්‍රදේශයේ පදිංචි වයස අවුරුදු තිස්දෙකක ගැබිනි කාන්තාවකි.

මෙම කාන්තාව තද බල ලෙස මත් කුඩු පානය සඳහා ඇබ්බැහි වී ඇති අතර, ඇයගේ ස්වාමි පුරුෂයා ද මත් කුඩුවලට සම්බන්ධ පුද්ගලයෙකු බව පැවසේ.

තලාතුඔය පොලිස් ස්ථානාධිපති ප්‍රධාන පොලිස් පරීක්ෂක කෝකිල ආරියදාසගේ උපදෙස් අනුව මෙම වැටලීම සිදුකොට ඇති අතර, සැකකාර කාන්තාව මහනුවර මහෙස්ත්‍රාත් අධිකරණයට ඉදිරිපත් කිරීමට නියමිතව තිබුණි.

Related posts

Leave a Comment