කෑමෙන් පසු ඔබව නිදි කරවන ආහාර වර්ග 9 ක්.

ආහාර ගැනීමෙන් අනතුරුව එක්වරම නිදිමත ගතියක් දැනෙන බව අපි හැමෝම දන්නවනේ. නිදිමත වැඩි කරන්නට හේතු වන්නේ අප ඊට දක්වන කැමැත්ත හෝ දවස පුරාම වෙහෙස මහන්සි වී වැඩ කරනවාට අමතරව දිනපතාම ලබාගන්නා ආහාර වේලත් බලපානවා.

මෙහි සඳහන් වන්නේ ආහාරයට ගැනීමෙන් අනතුරුව නිදිමතක් ඇති වන ආහාර ලැයිස්තුවකි. මේවාන් කිහිපයක් එකම ආහාර වේලට එක් කරගැනීමෙන් එහි බලපෑම තවත් වැඩි වෙනවා.

01. කිරි නිෂ්පාදන 

කිරි නිෂ්පාදන සලකන විට අනෙක් සියල්ලටම වඩා දෘඪ චීස් වල අන්තර්ගත වන කැල්සියම් ප්‍රමාණය ඉහල නිසා එය ආහාරයට ගැනීමෙන් වඩා නිදහස් බවක් දැනෙනවා. චීස් සහ ක්‍රැකර්ස් එකට ආහාරයට ගැනීමෙන් කාබෝහයිඩ්රේට් ට්‍රිප්ටෝෆාන්වල ක්‍රියාකාරිත්වය වර්ධනය කරවන නිසා දැඩි නිදිමතක් ඇති වෙනවා.

02. ආමන්ඩ් 

ආමන්ඩ්වල ට්‍රිප්ටෝෆාන් එනම් මෙලටෝනින් හෙවත් “නින්දේ හෝමෝනය” නිෂ්පාදනය කරන ඇමයිනෝ අම්ලය සුලභව අන්තර්ගත වෙනවා. ඊට අමතරව, මෙම ඇටවල මැග්නීසියම් ගබඩා වී තිබෙන නිසා මාංශ පේශිවල ආතතිය ලිහිල් කරවා නිදිමත ඇති කරවනවා.

03. කෙසෙල් 

මේවායේ අන්තර්ගත වන සීනි, පොටෑසියම්, සහ මැග්නීසියම් මඟින් මොළයට ට්‍රිප්ටෝෆාන් පහසුවෙන්ම ඇතුළු කරවා නිදිමත ඇති කරවනවා.

04. වොල්නට් 

වොල්නට්වල ආමන්ඩ් වලට වඩා අඩුවෙන් ට්‍රිප්ටෝෆාන් අන්තර්ගත වුණත්, තමන්ගේම කියා මෙලටොනින් ප්‍රභවයක් තියෙනවා. පර්යේෂණවලට අනුව වොල්නට් රුධිරයේ මෙම හෝමෝන මට්ටම වර්ධනය කර නිදිමත ඇති කරවනවා.

05. චෙරි 

චෙරි, විශේෂයෙන්ම ඇඹුල් චෙරි වල මෙලටෝනින් මට්ටම සාපේක්ෂව ඉහළ අගයක් ගන්නවා. නැවුම් චෙරි අහුරක් ආහාරයට ගැනීමෙන් කිසිම වෙනසක් වෙන්නේ නැහැ. චෙරි බීම වීදුරුවක් පානය කිරීමෙන් නියමිත වෙලාවට නිදා ගැනීමට උපකාරී වේවි.

06. Chamomile තේ 

Chamomile වල මාංශ පේශි සහ ස්නායු පද්ධතිය සන්සුන් කරවීමේ  පවතින ග්ලයිසීන් නමැති ඇමයිනෝ අම්ලය ගබඩා වී තිබෙනවා. Chamomile තේ කෝප්පයක් පානය කිරීමෙන් අනතුරුව ඇස් දෙක විවෘත කරගෙන සිටීමට පවා අපහසු වී වැදගත් වැඩක නියැලීමේ හැකියාව නැති වෙනවා.  

07. වට්ටක්කා ඇට 

ට්‍රිප්ටෝෆාන් වලට අමතරව, වට්ටක්කා ඇටවල විශාල වශයෙන් සින්ක් සහ මැග්නීසියම් අන්තර්ගත වෙනවා. මෙහි අන්තර්ගත වන සංයෝග මඟින් ඔබව සන්සුන් කරවන අතර, මිනිත්තු කිහිපයකට අනතුරුව නිදාගැනීමට ඇති වන පෙළඹවීම වලක්වාගත නොහැකියි. 

08. සුදු බත් 

සුදු බත් වල ග්ලයිසමික් දර්ශකය ඉහල අගයක් ගන්නා නිසා ආහාර ගැනීමෙන් අනතුරුව පැය 3-4ක් ගත වූ පසු නිදිමත දැනෙනවා. පර්යේෂකන් සොයාගෙන ඇති පරිදි විශේෂයෙන්ම බාස්මති (jasmine rice) ආහාරයට ගැනීමෙන් ඉක්මනින්ම නිදිමත දැනෙනවා.

09. තෙල් සහිත මාළු 

සැමන්, ටූනා ඇතුළු අනෙකුත් තෙල් සහිත මාළුවල අන්තර්ගත වන අම්ල මඟින් මෙලටෝනින් නිෂ්පාදනය ඉහල යනවා. මෙම අම්ල රුධිරයේ ආතති හෝමෝන මට්ටම අඩු කරනවා. මේවා ආහාරයට ගැනීමෙන් අනතුරුව ඔයාට කරන්න තියෙන එකම දේ තමයි ගුලිවෙලා නිදා ගැනීම.

Related posts

Leave a Comment