දිනකට විනාඩි 20 දෙපා ඔසවා සිටීමෙන් ඔබේ සිරුරට ඇති ප්‍රතිලාභ.

වර්තමාන ලෝකයේ අපි හැමෝම වේගවත් ජීවතයකට සහ නිරන්තර අංගචලනවල රැඳී ඉන්න පුරුදු වෙලා ඉන්නවා. ඒ නිසාම ගොඩක් දෙනා වැඩි කාලයක් ගත නොවන, දැඩි පරිශ්‍රමයකින් තොරව කළහැකි ඵලදායී ව්‍යායාම වලට වැඩි නැඹුරුවක් දක්වනවා. උදාහරණයක් විදියට, දවසකට විනාඩි 20 ක් වගේ කෙටි කාලයක් වැයකරලා ඔයාගේ මහන්සිය නැති කරගන්න වගේම මනෝභාවයත් ඉතාම පහසුවෙන් වර්ධනය කරගන්න පහත සඳහන් ව්‍යායාමය උත්සහ කරලා බලන්න.

ව්‍යායාමය සිදු කරන ආකාරය:

• නිවැරදි ආකාරයට දෙපා ඉහළට ඔසවන්න.

• බිත්තියක් ළඟ සැප පහසු තැනක් තෝරාගෙන ඔයාගේ පහළ පිටුපසට මෘදු රෝලර් එකක් එසේ නැත්නම් කොට්ටයක්  තියාගන්න.

• දෙපා ඉහලට ඔසවා බිත්තිය ඔස්සේ දිගු කරන්න. මෙහිදී අත් දෙක සිරුර දෙපස ලිහිල්ව තියෙන්න ඕනි.

• විනාඩි 15-20 ක් මේ ඉරියව්වෙන් ඉන්න.

මේ ව්‍යායාමය කිරීමට පෙර වැදගත්ම දේ වෙන්නේ ඔයාගේ ඇඳුම් රුධිර සංසරණයට බාධා නොකිරීමයි. ගොඩක් සැප පහසු, බුරුල්, ඉණ පටි නැති ඇඳුමක් අඳින්න. ඇත්තම කිව්වොත්, විනාඩි 20 ක් මේ විදියට නිශ්‍චලව ඉන්න එක ව්‍යායාමයක් වගේ පෙන්නේ නැහැනේ. ඒක හරියට යෝගා නැත්නම් ලිහිල් කිරීමේ තාක්ෂණය වගේ. කොහොම වුනත් මේ ව්‍යායාමය සංසරණ පද්ධතියට බොහොම ප්‍රයෝජනවත් වෙනවා.

දෙපා හෝ කොඳු ඇට පේළිය අසල නිදන්ගත තුවාල ඇති වීම මේ ව්‍යායාමයට තියෙන එකම සීමා කිරීමයි. මේ ව්‍යායාමය අලුතින්ම කරන අය සුලභව කරන වැරදි ටිකක් තියෙනවා: බෙල්ලට යටින් මෘදු රෝලරයක් දැමීම සහ බිත්තියක් නැත්නම් එයට ගොඩක් ලඟින් වැතිරීම වගේ වැරදි. මේ වගේ දේවල් නිසා මාංශ පේශි ආතතියට පත් වෙන්න ඉඩ තියෙන නිසා කොඳු ඇට පේලිය සමතලා කරන්න බාධා වෙනවා.

01. දෙපාවල බර දැනීම නැති වෙලා යනවා.

දෙපාවල බර දැනීම හා ඉදිමීම දුර්වල රුධිර සංසරණය හා සම්බන්ධයි. මේ තත්වයට බලපාන අනෙකුත් හේතු ලෙස ශරීරයේ අතිරික්ත බර, හදවත්  හෝ වකුගඩු අකර්මන්‍යතාවය සහ සෞඛ්‍යයට අහිතකර ආහාර පුරුදු යනාදිය දක්වන්න පුළුවන්. මේ තත්වයට ප්‍රතිකාරවලට යොමුවෙන්න නම් මුලින්ම කකුල් ඉදිමීමට හේතුව හොයාගෙන ඉන්න ඕනි. ඒ නිසා මේ ව්‍යායාමය වෛද්‍යවරයා නිර්දේශ කරන ප්‍රතිකාරයට ගොඩක් හොඳ එකතු කිරීමක් වෙන්න පුළුවන් නිසා එය රුධිර සංසරණය වර්ධනය කරන්න පැහැදිලිවම දායක වෙනවා.

02. අඩි උස සපත්තු භාවිතා කරන විට ලොකු අපහසුවක් දැනෙන්නේ නැහැ.

අඩි උස සපත්තු කියන්නේ කාන්තාවකගේ පෙනුම වැඩි දියුණු කරන අංගයක් කියලා අපි හැමෝම දන්නවා. නමුත් නිතර නිතර මේවා පළඳිනවා නම් එමඟින් ඔයාගේ සෞඛ්‍යට අහිතකර බලපෑම් එල්ල වෙන්න පුළුවන්. මේ සපත්තු පැළඳගෙන සිටින විට දැඩි අපහසුවක් සහ වෙහෙසක් දැනෙන්නේ සිරුරේ බර බෙදා හැරීම දුබල වීමයි. මේ සපත්තු පැළඳගෙන දිගු දිනක් ගත කිරීමෙන් අනතුරුව දැනෙන විඩාවට ඉහත ව්‍යායාමය කිරීමෙන් ලොකු සහනයක් දැනේවි. ගෙදරට පැමිණ සපත්තු ගැලවීමෙන් අනතුරුව, ව්‍යායාමයේ නිරත වෙන්න. දෙපා සම්බාහනය කර උණු වතුරෙන් ස්නානය කිරීමත් ඊට අමතරව කරන්න පුළුවන්.

03. ආහාර ජීර්ණය වර්ධනය වෙනවා.

මේ ව්‍යායාමයෙන් ඔයාගේ බඩ ඇතුලේ සිද්ධ වෙන ක්‍රියාවලි වර්ධනය වෙනවා. ඊට හේතුව දෙපා වලින් රුධිරය පිටවීම නිසා  අනෙකුත් අභ්‍යන්තර අවයව වලට ලැබෙන රුධිර සැපයුම වර්ධනය වීමයි. ආමාශයේ ඇති පෙරිස්ටල්සිස් (පෙරිස්ටල්සිස් කියන්නේ ආහාර ජීර්ණය කරන්න ඕනි වෙන මාංශ පේශි හැකිලීමක්) වල වගකීම තියෙන  සිනිඳු මාංශ පේශි තානය ලබා ගන්නවා. ඒ විතරක් නෙවෙයි, එමඟින් රුධිර සංසරණය වර්ධනය වී ආහාර ජීර්ණ ක්‍රියාවලිය වර්ධනය කරනවා. නිතරම මේ ව්‍යායාමයේ නිරත වෙන කෙනෙක් පරිභෝජනය කරන ගොඩක් පෝෂ්‍ය පදාර්ථ ඉක්මනටම අවශෝෂණය වෙනවා.

04. ස්නායු පද්ධතිය ආතතියට ලක් නොවේ.

මෙම ඉරියව්වෙන් සිටින විට ඉතා සැහැල්ලුවෙන් වැඩි වාත ප්‍රමාණයක් ආශ්වාස කරන නිසා එමඟින් සිරුරේ පටක වලට ඉහල ඔක්සිජන් ප්‍රමාණයක් සැපයෙනවා. එමඟින් රුධිර සංසරණය වර්ධනය වන බැවින් අභ්‍යන්තර අවයව සියල්ලටම අවශ්‍ය  පෝෂ්‍ය පදාර්ථ ලැබෙනවා. මේ තත්වය අපගේ ස්නායු පද්ධතියට සුභවාදී වන අතරම ආමාශය, බෙල්ල හා නළලේ කෙළවර ආශ්‍රිතව ඇති මාංශ පේශිවල ආතතිය අවම කරනවා.

05. නින්දේ ගුණාත්මක බව වර්ධනය වෙනවා.

දෙපා වල නිරන්තරයෙන් ඇති වන අප්‍රසන්න හැඟීම් එනම් දැවීම සහ ඉදිමීම වැනි තත්ත්ව නින්ද නොයාමට බලපාන ප්‍රධාන හේතුවක් වෙන්න පුළුවන්. නිතරම මේ ව්‍යායාමය කරන විට මේ තත්වය පහව යනවා. නිරවද්‍ය ආශ්වාස ප්‍රශ්වාසය හා රුධිර සංසරණය වර්ධනය කරගැනීම මඟින් මොළයට වැඩිපුර ඔක්සිජන් සැපයුමක් ලැබෙනවා. එමඟින් ගැඹුරු නින්දක් ලැබෙනවා. මෙම ඉරියව්ව භාවනාවක යෙදී සිටීමට සමානයි. එයට හේතුව මිනිසුන්ට තමන්ට තියෙන පොඩි පොඩි ගැටලුවලින් ඈත් වෙලා  සිරුර වගේම මනසත් නිදහසේ තියාගන්න පුළුවන් වීමයි.

Related posts

Leave a Comment