නාගදීප රජමහා විහාරයේ අභිනව සැතපෙන බුද්ධ ප්‍රතිමාවේ නිදන් වස්තු තැන්පත් කෙරේ (Photos)

උතුරු නාවික විධානයේ ආඥාපති රියර් අද්මිරාල් ප්‍රියන්ත පෙරේරා ගේ ප්‍රධානත්වයෙන් නාගදීප පුරාණ රජමහ විහාරයේ අභනවයෙන් නිර්මාණය වන සැතපෙන බුද්ධ ප්‍රතිමාවේ නිදන් වස්තු තැන්පත් කිරිම ඊයේ (26) සිදු කෙරිණි.  නාගදීප පුරාණ රජමහා විහාරාධිපති උත්තර ලංකාවේ ප්‍රධාන සංඝනායක අතිපූජ්‍ය නවදගල පදුමකිත්ති තිස්ස නාහිමිගේ අනුශාසනා පරිදි නාවික හමුදා නිර්මාණ ශිල්පීන්ගේ දායකත්වයෙන් නාගදීප පුරාණ රජමහ විහාරයේ අභිනව සැතපෙන බුද්ධ ප්‍රතිමාවේ නිර්මාණ කටයුතු සිදු වේ. වෙසක් පුර පසලොස්වක පොහොය දිනය නිමිත්තෙන් මෙම අභිනව සැතපෙන බුද්ධ ප්‍රතිමාවේ නිදන් වස්තු තැන්පත් කිරිම උතුරු නාවික විධානයේ ආඥාපතිගේ ප්‍රධානත්වයෙන් සිදු කරන ලදි.  මෙම අවස්ථාවන් සදහා නාගදීප පුරාණ රජමහා විහාරාධිපති උත්තර ලංකාවේ ප්‍රධාන සංඝනායක අතිපූජ්‍ය නවදගල පදුමකිත්ති තිස්ස නාහිමි ඇතුළු ගරුතර මහා සංඝ රත්නය, ශ්‍රිලංනානෞ එළාර ආයතනයේ අණදෙන නිලධාරි ඇතුළු ජ්‍යේෂ්ඨ හා කනිෂ්ඨ නිලධාරීන් සහ නාවිකයින් සීමිත පිරිසක් සහභාගිවී සිටියේය.

Related posts

Leave a Comment