අනවශ්‍ය ලෙස පොදි ගැහෙන්න එපා – නියෝජ්‍ය සෞඛ්‍ය සේවා අධ්‍යක්ෂ ජනරාල් ගෙන් ඉල්ලීමක්

අනවශ්‍ය ලෙස පොදි ගැසෙමින් එන්නත් ලබාගැනීමට කටයුතු නොකරන්නැයි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා ජනතාවගෙන් ඉල්ලීමක් කරයි.

එලෙස කටයුතු කිරීමෙන් ජනතාව අනවශ්‍ය අවදානමකට ලක්විය හැකි බවද ඔහු සඳහන් කරයි.

එන්නත් සීමිත තොගයක් ලැබී තිබෙන හෙයින් තෝරාගත් අධි අවදානම් ප්‍රදේශ වලට එන්නත පළමුවෙන්ම ලබාදීමට කටයුතු කරගෙන යන බව කී හේරත් මහතා තවත් එන්නත් තොග ලැබුණු වහා සෙසු ප්‍රදේශවලටද ඒවා ලබාදීමට කටයුතු කරන බව ප්‍රකාශ කළේය.

තවත් එන්නත් තොග ඉදිරි දිනවලදී ලැබීමට නියමිතව ඇතැයි ද ඔහු පැවසුවේය.

එන්නත් ලබා ගැනීමේදී බොහෝ පිරිස් නිරෝධායන නීති උල්ලංඝණය කරමින් කටයුතු කරන බවට සෞඛ්‍ය අංශ වලට තොරතුරු හෙළි වී ඇත . මේ අනුව එලෙස හැසිරීම වහාම වළක්වන්නැයි සෞඛ්‍ය අංශ ප්‍රධානීන් ප්‍රාදේශීය ප්‍රාදේශීය සෞඛ්‍ය නිලධාරීන්ට උපදෙස් දී ඇතැයි දැනගන්නට ඇත.

මේ අතර අවශ්‍ය සෑම කෙනකුටම එන්නත ලබාදීමට කටයුතු කරන බව සෞඛ්‍ය අංශ ප්‍රධානිහු පවසති.

Related posts

Leave a Comment