Author: admin

ශ්‍රී ලංකාවේ බොහෝ කාන්තා මාධ්‍යවේදීන් විසින් සමාජ මාධ්‍ය ඔස්සේ මතු කරන ලද සේවා ස්ථාන හිරිහැර කිරීම් සම්බන්ධයෙන් පරීක්ෂණයක් පවත්වන බව ජනමාධ්‍ය අමාත්‍ය කෙහෙළිය රඹුක්වැල්ල පවසනවා. අද පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී, මාධ්‍යවේදියෙකු නැගු ප්‍රශ්නයකට පිළිතුරු දෙමින් ජනමාධ්‍ය අමාත්‍ය කෙහෙලිය රඹුක්වැල්ල කියා සිටියේ මේ සම්බන්ධයෙන් මෙතෙක් කිසිදු නිල පැමිණිල්ලක් ලැබී නොමැති බවයි. කෙසේ වෙතත් ජනමාධ්‍ය අමාත්‍යාංශය විසින් මෙම චෝදනා පිළිබඳව සොයා බලන බවයි කෙහෙළිය රඹුක්වැල්ල අමාත්‍යවරයා පැවසුවේ.  ට්විටර් වෙබ් අඩවියේ #metoo ව්‍යාපාරය යටතේ අදාළ කාන්තා මාධ්‍යවේදිනියන් විසින් චෝදනා ඉදිරිපත් කර තිබෙන බවයි වාර්තා වන්නේ.

දෙස්-විදෙස් ආයෝජකයන්ට අවශ්‍ය පහසුකම් සලසා දීමට ආණ්ඩුව කටයුතු කරන බවත් අන්තර්ජාතික වෙළෙඳ භාණ්ඩ හුවමාරු කිරීමේ මධ්‍යස්ථානයක් බවට ශ්‍රී ලංකාව පත්කිරීමට කටයුතු කරන බවත් තරුණ හා ක්‍රීඩා අමාත්‍ය නාමල් රාජපක්ෂ මහතා පවසයි.  වත්මන් කොවිඩ් අර්බුදය තුළ රටේ ආර්ථිකය නිවැරැදිව පවත්වාගෙන යෑම පිළිබඳව සහ අනාගත ආර්ථික වැඩපිළිවෙළ පිළිබඳ අදහස් දක්වමින් නාමල් රාජපක්ෂ මහතා මේ බව පැවසීය. මේ පිළිබඳව අමාත්‍යවරයා මෙසේ ද කීය.  “වරාය හා ගුවන්තොටුපොළ කේන්ද්‍ර කරගනිමින් අපේ රටේ ආර්ථිකය ශක්තිමත් කිරීමට ජනාධිපතිවරයාත්, අගමැතිවරයාත් කටයුතු කරමින් සිටිනවා. මෙවැනි ආයෝජන අවස්ථා ඉලක්ක කරගෙන තමයි එදා අධිවේගී මාර්ග, හම්බන්තොට වරාය, මත්තල ගුවන්තොටුපොළ, කොළඹ වරාය…

රජයේ පාසල් ගුරුවරුන්ට ටැබ් හෝ ජංගම දුරකථන මිලදී ගැනීම සඳහා සහන ණය ක්‍රමයක් ක්‍රියාත්මක කිරීම සඳහා රාජ්‍ය බැංකු සමඟ සාකච්ඡා කිරීමට බලාපොරොත්තු වන්නේ යැයි අධ්‍යාපන රාජ්‍ය අමාත්‍ය පියල් නිශාන්ත මහතා පැවසීය. කොවිඩ් වරයිරස් අර්බුදය හමුවේ දරුවන්ට අධ්‍යාපන ලබාදීම සඳහා ගුරුවරු දැවැන්ත කැපකිරීමක් සිදුකරන බවත් දරුවන්ගේ අපහසුතා පමණක් නොව ගුරුවරුන්ගේ අපහසුතා පිළිබඳව අවදානය යොමු කළ යුතු බවත් රාජ්‍ය අමාත්‍යවරයා කීය.

ශ්‍රී ලාංකීය තරුණ පරපුර ඩිජිටල් ලෝකයට ගෙනයෑමේ අරමුණින් ඩිජිටල් ව්‍යවසාය සහ සංවර්ධන රාජ්‍ය අමාත්‍යංශය තාක්‍ෂණික උද්‍යාන (ටෙක් පාක්) හතරක් ස්ථාපිත කිරීමට සැළසුම් කර තිබේ. එහි පළමු පියවර ලෙස ගාල්ල, කොග්ගල ප්‍රදේශයේ ‘තාක්‍ෂණික උද්‍යාන’ ඉදිකිරීම සඳහා ඩිජිටල් ව්‍යවසාය සහ සංවර්ධන රාජ්‍ය අමාත්‍ය නාමල් රාජපක්‍ෂ මහතා නිල වශයෙන් පසුගියදා ආරම්භ කළේය. කුරුණැගල, මහනුවර සහ නුවරඑළිය යන ප්‍රදේශවලත් සෙසු ‘තාක්‍ෂණික උද්‍යාන’ ඉදිකිරීමට නියමිත බවත් යාපනය සහ දකුණු පළාත කේන්ද්‍රකරමින් තොරතුරු තාක්‍ෂණ මධ්‍යස්ථාන (අයි.ටී. පාක්) ඉදිකිරීමට සැළසුම් කර ඇති බවත් ඩිජිටල් ව්‍යවසාය රාජ්‍ය අමාත්‍යංශය පවසයි.

2021 වසර අවසාන වන විට මාර්ග කිලෝමීටර් 25,000ක් සංවර්ධනය කර ජනතාව වෙත ලබා දීම තම අමාත්‍යාංශයේ ඉලක්කය බව ඇමැති ජොන්ස්ටන් ප්‍රනාන්දු මහතා ප්‍රකාශ කළේය. ඒ සඳහා ක්‍රියාත්මක ග්‍රාමීය මාර්ග කිලෝමීටර් 100,000ක් සංවර්ධනය කිරීමේ වැඩසටහන යටතේ 2021 වසරේ දෙවන කාර්තුව වන විට මාර්ග 12,336ක මාර්ග කිලෝමීටර් 17,311.27ක ප්‍රමාණයක වැඩ කටයුතු ආරම්භ කර ඇති බව අමාත්‍යවරයා අවධාරණය කළේය. එමඟින් ගම් දනව්වල පවතින ගමනාගමනයට අපහසු කුඩා මාර්ග කාපට් කිරීම මෙන්ම ප්‍රධාන මාර්ග පද්ධතියේ ඇති මාර්ග ද සංවර්ධනය කොට අධිවේගී මාර්ගවලට තදබදයකින් තොරව ඇතුළු විය හැකි මාර්ග, ප්‍රධාන නගරවලට ළඟා වීමට ඇති විකල්ප මාර්ග…

කොවිඩ් 19 වසංගත කාලසීමාවේ ක්ෂේත්‍ර රාජකාරී ඉටුකරන මහජන සෞඛ්‍ය පරීක්ෂකවරුන්ට මසකට පැය 150ක උපරිමයකට යටත්ව අතිකාල දීමනා සහ රාජකාරී කටයුතු කරන සතිඅන්ත සහ රජයේ නිවාඩු දිනවලට නිවාඩු දින වැටුප් ගෙවීමට රජය සැරසේ. 2020 ඔක්තෝබර් මස 01 වැනි දින සිට 2021 ජනවාරි මස 31 වැනි දින දක්වා කාලය තුළද මහජන සෞඛ්‍ය පරීක්ෂකවරුන්ට එම දීමනා ගෙවන ලද අතර කොවිඩ් 19 වසංගත තත්ත්වය තවදුරටත් පැතිර යාම හේතුවෙන් 2021 මැයි මස 01 වැනි දින සිට අගෝස්තු මස 31 වැනි දින දක්වා යළිත් වරක් එම දීමනා ගෙවීම සුදුසු බව සෞඛ්‍ය අමාත්‍ය පවිත්‍රා වන්නිආරච්චි මහත්මිය අමාත්‍ය…

අන්තර්ජාල පහසුකම් නොමැති දරුවන් සදහා ප්‍රාදේශීය ඉගෙනුම් මධ්‍යස්ථාන ස්ථාපිත කිරීමට කටයුතු කරන බව අධ්‍යාපන අමාත්‍ය මහාචාර්ය ජී එල් පීරිස් පවසනවා. අද පැවති මාධ්‍ය හමුවකට එක්වෙමින් අමාත්‍යවරයා කියාසිටියේ කොරෝනා වසංගත තත්ත්වය හේතුවෙන් මේ වනවිට පාසල් අධ්‍යාපන කටයුතු සිදුවන්නේ මාර්ගගත දුරස්ථ ක්‍රම මගින් වුවද විවිධ හේතු සාධක මත එම පහසුකම් ලබාගැනීමට නොහැකි සිසුන් වෙනුවෙන් මෙම පහසුකම ලබාදීමට පියවර ගන්නා බවයි. මෙම මාධ්‍ය හමුවට ඩිජිටල් තාක්‍ෂණ රාජ්‍ය අමාත්‍ය සහ ක්‍රීඩා අමාත්‍ය නාමල් රාජපක්‍ෂ ද එක් වුණා. එහිදී මාධ්‍යවේදීන් විමසා සිටියේ ඔන්ලයින් හරහා සිදු කෙරෙන අධ්‍යාපන කටයුතුවලදී සිසුන්ට ඩේටා ගාස්තු අඩුවෙන් සහ අධිවේගී අන්තර්ජාල…

ජූනි 21 දිනයේ සංචරණ සීමා ලිහිල් කිරීමෙන් පසු කටයුතු කළ යුතු ආකාරය සම්බන්ධයෙන් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතාගේ අත්සනින් යුතුව සෞඛ්‍ය මාර්ගෝපදේශ මාලාවක් නිකුත් කර තිබේ. ඒ අනුව, සංචරණ සීමා ඉවත් කිරීමේදී සෑම පළාතකට ම පොදුව ලිහිල් කරනු ලබන සීමා සහ බස්නාහිර පළාතට පමණක් සිදු කරනු ලබන ඇතැම් සීමා පිළිබඳව එහි සඳහන් කර  ඇත. එම සම්පූර්ණ විස්තරය පහතින් දැක්වේ.

මේ වසරේ මුල් මාස 4ක කාලය තුළ මෙරට රෙදි පිළි සහ ඇඟලුම් අපනයනය ඉහළ ගොස් තිබේ. ශ්‍රී ලංකා මහ බැංකුව පවසන්නේ පසුගිය ජනවාරි මාසයේ සිට අප්‍රේල් මාසය දක්වා රෙදි පිළි සහ ඇඟලුම් අපනයට සියයට 28.7කින් ඉහළ ගොස් ඇති බවය. ඒ අනුව මෙරටට ලැබුණු ආදායම අමෙරිකානු ඩොලර් බිලියන 1.7ක් පමණ වේ. අදාළ කාලය තුළ රෙදි පිළි අපනයනය සියයට 41.2කින් ද , ඇඟලුම් අපනයනය සියයට 27.3කින් ද ඉහළ ගොස් ඇති බව ශ්‍රී ලංකා මහ බැංකු සංඛ්‍යා ලේඛනවල සඳහන්ය.